GEORGIUS cogn Dives

GEORGIUS cogn Dives

fil. Ludovici Bavariae Ducis, Landshutensis rami, Ingolstadiensem Academiam condidit, et lineam masculam Landshutanorum Principum finivit, A. C. 1503. Cum autem heredem filiam Elisaberham Ruperto Virtuoso, Philippi cogn. Ingenui, Electoris Palatini, filio nuptam scripsisset, bellum Bavaritum ortum, Palatinis damnosum, Bavaris autem, qui successionem impetravêre, non parum proficuum. Postquam cnim Rupertus oblatos ab Imp. duos trientes ditionum Georgii nomine tum dotis, tum praetensionum, quas ab antiquo adversus Bavaros habebant Palatini, respuisset, fiduciâ Bohemorum et Galliae Regis, mox a Maximiliano ipse cum Parre proscriptus, ab amicis desertus, acri praelio ad Ratisbonam victus, et ditionibus suis spoliatus est; Filiis tandem eius, parte aliquâ avitae hereditatis inter Nabum et Danubium, qui Neoburgensis Principatus, aliis Palatinatus iunior, dicitur, concessâ. Ex Fam. Saxonica.